Հաշվետվություն. երկօրյա ճամբար Խաչիկ գյուղում

 

20160326_141521Մարտի 25-26-ին  Քոլեջի սովորողների  հետ իրականացրի երկօրյա ճամփարդություն դեպի Վայոց ձորի մարզի Խաչիկ գյուղ:

   Ճամփորդության նպատակը` ուսումնահայրենագիտական, ճանաչողական և էկոլոգիական նախագծեր, շփում տեղացիների հետ կրթական փոխանակումներ, այցելություն Խաչիկ գյուղի դպրոց, կրթահամալիրի, ծրագրերի ներկայացում, քայլարշավ դեպի Քարակոփ կամ Խոտակերաց վանք, այցելություն  Ժամ՝ գյուղամիջում կանգնած կառույց, քայլարշավ դեպի Հնգզարաթ եկեղեցի:

Տեղ հասանք մի փոքր հոգնած, բայց բարձր տրամադրությամբ: Մեզ արդեն սպասում էին դպրոցում: Բոլոր սովորողները և ուսուցիչները հավաքվել էին դպրոցի դահլիճում: Ներկայացրեցինք մեր կրթահամալիրը և քոլեջը, բաժանեցինք տեղեկատվական թերթիկներ: Շատ շուտ մտերմացանք մեր նոր ընկերների հետ, զրուցեցինք և նրանց հետ գնացինք իրենց տները մի փոքր հանգստանալու: Հանդիպեցինք նաև Արսեն սարկավագին և պայմանավորվեցինք հանդիպել գյուղամիջի Սուրբ Աստվածածին եկեղեցում՝ մասնակցելու ժամերգությանը:

Օրվա երկրորդ կեսին մեր նոր ընկերների հետ քայլեցինք դեպի Սուրբ Աստվածածին եկեղեցի և մասնակցեցինք ժամերգությանը, որն անցկացրեց Արսեն սարկավագը: Գյուղամիջում կանգնած կառույցը թվագրված է 1888 թ.։ Ժամը կառուցող վարպետը եղել է Ուստա Բադամը, որ ձմռանը Ճատեյենց օթախում տաշում էր քարը, իսկ գարնանը սկսում պատշարը։ Եկեղեցուց դուրս եկանք և Արսեն սարկավագի ուղեկցությամբ շրջեցինք գյուղում, ծանոթացանք տեղանքին, զրուցեցինք խաչիկցիների հետ:

Իմանալով մեր ընդհանուր նախասիրությունների մասին՝ որոշեցինք վոլեյբոլ խաղալ: Հետաքրքիր խաղն ունեցավ հետաքրքիր ավարտ՝ հաղթեց բարեկամությունը:

Նոր վայրերի փնտրտուքը մեզ տարավ Վայոց ձորի Խոտակերաց վանք: Խոտակերաց կամ Քարակոփ վանքը գտնվում է Վայոց Ձորի մարզի Խաչիկ գյուղից հյուսիս-արևմուտք, լեռան լանջին գտնվող փոքր հարթության վրա։

Խաչիկի դպրոցում  անցկացրինք մեր կլոր-սեղան բանավեճը , իսկ թեման համացանցն էր: Ակտիվորեն բանավիճեցինք, իսկ վերջում կիսվեցինք մեր տպավորություններով և մեր անմիջական, ազատ և հաճելի պահվածքի համար արժանացանք ներկաների գովեստին:

Ներկայացրեցինք մեր կրթահամալիրը, գրադարանին նվիրեցինք մեզ հետ տարած գրքերը: Մտերմացանք սովորողների հետ, երգեցինք, պարեցինք միասին և նրանց օգնությամբ ծանոթացանք գյուղի տեսարժան վայրերին: Իսկ մեր միասնական առավոտյան պարապմունքը նրանց համար իսկապես նորություն էր:

ԱՐՏբզզան ռադիոն բազմաթիվ հարցազրույցներ վերցրեց:

Ճամբարին մասնակցեցին  14 սովորողներ

Ճամփորդությունը լուսաբանել ենք կայքում , սովորողները կիսվել են իրենց տպավորություններով.

http://mskh.am/am/58341

http://mskh.am/am/58362

http://mskh.am/am/58367

http://mskh.am/am/58392

http://mskh.am/am/58393

http://mskh.am/am/58404

http://mskh.am/am/58405

http://mskh.am/am/58409

http://mskh.am/am/58457

http://mskh.am/am/58469

http://mskh.am/am/58474

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s