Աղավնիներ. այո՛, այո՛, նրանց մասին առաջին բանը, որ պատկերացնում ես՝ խաղաղությունն է: Բայց նախքան խաղաղության խորհրդանիշ լինելը նրանք թռչուններ են` գեղեցիկ ու բազմատեսակ: Ոմանք սպիտակ են, կաթնագույն, թռչելիս մի բմբուլ է պոկվում, օրորվելով ընկնում գետնին։ Ոմանք ժայռային մուգ֊կապույտ գույն ունեն, ոմանք տեղ֊տեղ սպիտակ, տեղ֊տեղ մուգ գույնով, լուսնկայի կաթնային սկավառակի վրա մուգ գույնի թղթի կտորներ փակցվածի նման, ոմանք՝ ծխախառն բաց գույնով, արևմարի վերջին շողերի նման, ոմանք՝ դեղնավուն կարմիր, կարծես աշնան տերևներ են հագել…
«Մխիթար Սեբաստացի» կրթահամալիր Անահիտ Մելքոնյան 