Հանդիպում կրթահամալիրի տնօրենի հետ

 

 

20181014_121957

Հանդիպում կրթահամալիրի տնօրենի հետ, որի կարիքն ըստ իս  յուրաքանչյուրս ունի:

Առցանց ուսուցման այս շրջանում հունիսի 1-ից կազմակերպվում են մանկավարժական աշխատողների հանդիպումներ կրթահամալիրի տնօրենի հետ։

Հունիսի երկուսին հանդիպման մասնակիցներից էի նաև ես: Հանդիպումը կայացավ Microsoft Teams հարթակում՝ Քոլեջի այնքան ինձ հարազատ ներքին այգուց։

Տիարի ներածական խոսքից հետո  սկսվեց մեզ հետ զրույցը՝ անկեղծ, անկաշկանդ:
Քննարկեցինք աշխատանքային տարբեր հարցեր` ինքնուրույնության, Բանգլադեշյան պլեների, հետագա անելիքների հետ կապված:

Հանդիպմանը պատրաստվելիս մեկ տարվա անցած ճանապարհս վերհիշեցի: Ուշադրությամբ լսեցի բոլոր դիտարկումները, հարցադրումների շնորհիվ վերագնահատեցի ամբողջ արած աշխատանքս։

2019-2020 ուսումնական տարին փոփոխությունների տարի էր ինձ համար։ Սկսեցի դասավանդել Միջին դպրոցում՝ հետևաբար իրականացնելիք անելիքները շատ և հետաքրքիր էին։ Կյանքը անընդհատ պահանջում է փոփոխություններ, և այդ փոփոխությունների արդյունքում էլ «ԱՐՏբզզան»-ը փոխվեց ու դարձավ «Սարալանջ» ռադիո: Հեռավար անցանց ուսուցման ընթացքում «Սարալանջ» ռադիոն ընդարձակեց իր հեռարձակման սահմանները: Այսուհետ կարող ենք ոչ միայն ունկնդրել, այլև դիտել «Սարալանջ»-ին:

Կրթահամալիրի գլխավոր առանձնահատկություններից մեկն այն է, որ տարբեր  օղակների միջև պատեր չկան, ստեղծված է ընդհանուր կրթական միջավայր: Եվ հենց դա էլ ինձ օգնեց անցում կատարելու  Քոլեջից Միջին դպրոց:

Շատ կարևոր էր, որ հավաքի ժամանակ անդրադարձանք նոր ուսումնական  տարվա անելիքներին: Մենք իրականում չենք էլ ընդհատում ուսումնական գործընթացը,  այլ ապահովում ենք աշակերտի սովորելու իրավունքի շարունակականությունը:

Վստահ եմ, հուլիս – օգոստոս ամիսներին մեր աշխատանքը ավելի բուռն ու ստեղծագործական կլինի:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s