Դասարանական քննարկումները միշտ էլ եղել են լեզվի զարգացման կարևոր բաղկացուցիչներից մեկը: Շատ կարևոր է յուրաքանչյուր սովորողի մասնակցությունը, այդ իսկ պատճառով պետք է քննարկման համար ընտրվի սովորողներին հետաքրքրող թեմա: Հաջողված է այն քննարկումը, որի ընթացքում մասնակցում են թվով շատ սովորողներ:
Նպատակ
- Բանավոր խոսքի զարգացում
- Բառապաշարի հարստացում
Խնդիր
- Հաղթահարել խոսելու, մտքեր արտահայտեու բարդույթները
Ընթացք
Սովորողների հետ միասին ընտրում ենք քննարկման թեման, ուսումնասիրում համապատասխան բառապաշար: Ամեն անգամ քննարկումը վարում են տարբեր սովորողներ:
Քննարկումը ավելի դինամիկ, արագ անցկացնելու համար սկսում ենք այսպես կոչված
« Կայծակնային պտույտներով»: Քննարկում վարողը սկսում է նախապես ընտրված կարճ հարցերով / մոտ 10 րոպե/ Այնուհետև վարողը ձնագնդի մեթոդով անցնում այլ հարցադրումների: Քննարկման ընթացքում լինում են նաև կարծիքների տարաձայնություններ, բաժանվում են կողմ և դեմ և սկսվում է խմբային աշխատանքը, երբ կողմերը միասին հանգում են մի եզրակացության և հնչեցնում են իրենց կարծիքները:
Արդյունք
Սովորղները համալրում են իրենց բառապաշարը, փոխանակում կարծիքներ,շփվում միյանց հետ, ձեռք են բերում ազատ հաղորդակցվելու հմտություններ:
«Մխիթար Սեբաստացի» կրթահամալիր Անահիտ Մելքոնյան 